ინსპექტორი, პერსონალური ინფორმაცია… რატომ უნდა ვიყენებდეთ სწორ ტერმინებს პერსონალურ მონაცემთა დაცვისას?

შესავალი

პერსონალურ მონაცემთა დაცვის სფერო ტექნიკური და სამართლებრივი საკითხების გადაკვეთის წერტილია. სწორი ტერმინების გამოყენება არ არის მხოლოდ ფორმალური საკითხი — ის პირდაპირ გავლენას ახდენს მოქალაქეთა უფლებებზე და პერსონალურ მონაცემების დამუშავების კანონიერებაზე.

მაგალითისათვის, ხშირად გაიგებთ ტერმინს „ინსპექტორი” ან „მონაცემთა დაცვის ინსპექტორი”. აღნიშნული შეცდომა მაღალი ალბათობით ეფუძნება, პერსონალურ მონაცემთა დაცვის პირველ საზედამხედველო ორგანოს სახელწოდებას - „პერსონალურ მონაცემთა დაცვის ინსპექტორის აპარატი”. დღეისათვის, პერსონალურ მონაცემთა დაცვის სამსახურს ხელმძღვანელობს სამსახურის უფროსი, ხოლო „პერსონალურ მონაცემთა დაცვის შესახებ” საქართველოს ახალი კანონით, ჩამოყალიბდა „პერსონალურ მონაცემთა დაცვის ოფიცრის” ინსტიტუტი. შესაბამისად, სიტყვა „ინსპექტორის” გამოყენება რომელიმე ზემოაღნიშნული ტერმინის ნაცვლად, უხეშ შეცდომას წარმოადგენს.

თავი 1: არასწორი ტერმინები – ყოველდღიური შეცდომები

თავი 2: რატომ არის ეს მნიშვნელოვანი?

• სამართლებრივი სიზუსტე – კანონი ითხოვს კონკრეტული ტერმინების გამოყენებას, რათა მისი შინაარსი სწორად განიმარტოს.

• მოქალაქის ინფორმირებულობა – ტერმინთა სიზუსტე ეხმარება მოქალაქეს, გაიგოს თავისი უფლებები და იცოდეს, როდის ირღვევა ისინი.

• პროფესიონალური კომუნიკაცია – პერსონალურ მონაცემთა დამცველები საზოგადოებას უნდა ესაუბრონ სწორი ტერმინოლოგიით.

• არასწორი ტერმინების გამოყენება ხაზს უსვამს არაპროფესიონალიზს.

• კანონმდებლობასთან შესაბამისობა – ტერმინები უნდა შეესაბამებოდეს „პერსონალურ მონაცემთა დაცვის შესახებ” საქართველოს კანონს.

თავი 3: როგორ გამოვასწოროთ ეს შეცდომა?

• შექმენით ორგანიზაციაში მოკლე ლექსიკონი.

• გადაამზადეთ პერსონალი.

• კომუნიკაციაში (პოსტები, განცხადებები, კონტრაქტები) გამოიყენეთ სწორი ფორმულირებები.

• პერსონალურ მონაცემთა დაცვასთან დაკავშირებულ დოკუმენტაციაში გამოიყენეთ სწორი ტერმინები.

• თუ ეჭვი გეპარებათ, გადაამოწმეთ კანონმდებლობაში.

თავი 4: მცირე ლექსიკონი – „თქვი სწორად”

დასკვნა

სწორად გამოყენებული ტერმინები ქმნიან არამხოლოდ სიზუსტეს, არამედ აყალიბებენ საზოგადოების ცნობიერებას და ზრდიან ნდობას მონაცემთა დამცველების მიმართ. სიტყვების სიზუსტე ამ სფეროში პირდაპირ აისახება ადამიანის უფლებების დაცვაზე.